اللي اتفرج على الماتش ده بتمعن هيعرف ان صعب جداً بعد الشوط الاول تقول اننا صفر او اننا كنا وحشين ومفيش حاجة اتطبقت او منتخب بوركينا ضعيف .. لان المنتخب ده لما فاق الشوط التاني كان خطير
واللي اتفرج على الماتش ده بتمعن برضو هيعرف ان صعب جدأ بعد الشوط التاني نقول اننا لعبنا كويس وان كل حاجة كانت تمام لان ظهر مشاكل جماعية سببها المدرب ومشاكل فردية من لاعيبة المفترض انها ركائز
اللي انا شايفه وبدون اي تسرع ؟
ان حسام حسن فعلاً عنده حاجة يقدمها وفعلاً منتخبه الشوط الاول ظهر بشكل مقبول جداً ومبشر وفي بوادر لحاجات عايز يطبقها وأدوار عاوز يعملها لأكتر من لاعب وعمل توليفة لو لعبت كتير هتنتج سوا لو حصل بينها تناغم
ولكن .. وحط تحتها الف خط .. اللي انا شايفه برضو وبدون اي تسرع ؟ ان حسام حسن عنده مشكلة عظيمة في ادارة المباريات .. شوفنا ده ازاي؟
انت عاوز تندفع بدنياً الشوط الاول وبنسق واحد طول الشوط وده مستحيل على اللاعب المصري اللي هو غير مؤسس بدنياً وبيلعب موسم طويل وفوق كل ده انهاردة ذروة موجة حارة والرطوبة عالية .. فإنت مقسمتش الجيم كسيناريو امتى ترفع النسق وامتى تهديه عشان تقدر تكمل بنفس المخزون البدني لاخر الماتش
تاني مشكلة في الادارة هي التغييرات سواء كتوقيت او اختيارات ..كان مفروض مع الاندفاع البدني الشوط الاول تبدل بدري الشوط التاني وتشوف ثغراتك وتغيرها
اخطاء فردية مش قادر اعدلك بقا اللاعيبة اساساً الشوط التاني قدمت ماتش عمرهم ما هيعملوا زيه من السوء الفردي تقريباً
اللي شايفه اننا مش وحشين .. ومش حلوين .. ولو حسام حسن امر واقع ومكمل ؟ يبقى لازم يعالج ادارته للماتشات ويعرف امتى يهدي النسق وامتى يعليه ويتراجع وامتى يتدخل تيكتيكياً او بالتغييرات...
لاڤلي - Lovely
