أين أنت يا إعلام #مصر من #دينا_جرجس
فينك محدش سامع صوتك
أين إعلام الكشري وانتش و شاكوش وحمو بيكا ونمبر وان من هذا النموذج المشرف ؟!
دى مصر ودول أولادها اللي بجد مثال مشرف وعظيم
العالمة الشابة دينا جرجس بنت مصرية من صغرها بتحب (علوم البيانات) وكان نفسها تعمل حاجة عظيمة لبلدها ولنفسها بس كانت دايماً بتسمع كلمة “شكلك نسيتي إنك بنت “ لكنها مسمعتش لكل اللي بيحبطها ونجحت جداً في مجالها واتعينت معيدة في (جامعة عين شمس)
دينا جالها "منحة للمتفوقين" لتحضير الماجستير من جامعة بون بألمانيا ودي كانت متقدمة ل ٧ أشخاص فقط من مصر
دينا قدمت "لجامعة عين شمس". طلب "إجازة بدون مرتب". اترفض الطلب طبعا فقررت تسافر للمنحة ونجحت بشكل عظيم.
ولما خلصت "الماجستير". رشحها أحد الأساتذة بجامعة "بون". تشتغل في شركة "باير". الألمانية المتخصصة في صناعة الدواء والصناعات الكيميائية
- دينا نجحت بشكل عظيم
ولفت نظرهم. لحد ما اختارتها الشركة من ضمن أفضل 6 باحثين في مجال علوم البيانات للفوز بالجائزة العالمية "Distinguished Women In Data Science".
عشان ترفع إسمها وتشرف إسم بلدنا في دولة كبيرة ومهمة في العالم زي ألمانيا
بتمنى الإعلام المصري يبص للنماذج المشرفة دي بدل ما بيستضيف شوية ناس عبيطة ملهش أي قيمة ويعمل لهم سعر وشهرة وكيان من الهوا
يستضيفوا النماذج العظيمة دي عشان هما دول الفخر الحقيقي لينا ولبلدنا
وقدوة للشباب كلهم
فخورين بيكي والله يا بنتي
شكرآ لجامعة عين شمس انها رفضت اعطائها الفرصة وعدم الموافقة لها باجازة وتركتها لتنجح وتتفوق في ألمانيا
ولا احنا اعلام متخصص في تدعيم وابراز الفاشلين
