recent
أخبار ساخنة

محمد الأمين غير امين ويتاجر بالبشر

سايبين ملائكه في جنة الشياطين !

لما عرفت ان في ٣ بنات تم انتهاكهم جنسيا في دار رعايه ، قولتلهم إلحقوا جيبوا باقي البنات الصغيرين و اقفلوا الدار دي بسرعه عشان اللي اتحرش و انتهك بنات بتعرف تتكلم مش هيرحم الصغيرين اللي مبيعرفوش يتكلموا او يعبروا !

طبعا محدش سمع كلامي ... و قالوا عليا عبيط ... و للأسف أطلع انا للأسف اللي صح !

و تطلع الاطفال اللي عمرها مكملش ٧ و ٨ سنين لم تسلم من الأيدي اللي مفروض اسمها أمينه ! و يطلع الأمين برضو مش أمين ...

ذنب الاطفال دي في رقبة المسئول الكبير قبل الصغير ... اللي سمع و قال دي أكاذيب و ساب الكلب ينهش في لحم أطفال كمان و كمان ... عاوزكم تتخيلوا الاطفال دي كان شكلها ايه و حاسين بإيه و عيطوا اد ايه و صرخوا اد ايه وهما بيتعمل فيهم كده ...

تبول لا إرادي .. و تبرز لا إرادي .. يعني انتهاك بشكل مستمر .. ان شاء الله هتشوفوا ده في نفسكم لان والله اليتيم حقه بيخلص في الدنيا ... فوالله والله والله مش هسيبكم، كبيركم قبل صغيركم ... عشان اللي يجي من بعدكم يعرف ان اليتيم في مصر خط احمر ... و مش خايف من القضاء و لا من التحقيقات عشان القائمين علي القضيه دي كلهم عندهم أطفال فمستحيل يضيعوا حق يتيم، عشان خايفين علي ولادهم.

انا هنام و ضميري مرتاح ... بس انتم هتعيشوا الباقي من حياتكم في خزي و عار و هتصحوا كل يوم علي كوابيس صوت صريخ الاطفال دي وقت انتهاكهم ... حسبي الله و نعم الوكيل

إن غدا لناظره قريب ...

وزارة التضامن الاجتماعي
السيدة انتصار السيسي 
AbdelFattah Elsisi - عبد الفتاح السيسي
google-playkhamsatmostaqltradent