recent
أخبار ساخنة

متحرش دار الايتام بالفتيات

شير ... متحرش أيتام جديد .. 

"كان كل ما يحط ايده علي جسمي أعيط .. و لما بيسألني انتي بتعيطي عشان بلمس جسمك ؟ كنت بخاف و اقوله لا لا, أصل ماما وحشتني بس والله .. من الخوف ! "

" لما لقاني بعيط كثير جابلي ورقه و قالي تعالي امضي علي الورقه دي و تبقي مراتي " و لما سألتها ايه الورقه دي قالتلي بيقولي ورقة جواز !

اللي فوق ده كلام طفله عمرها ١٣ سنه ! متخيلين !

" اللي مش هتصلي بإنتظام هتتحبس ثلاثة أيام في اوضتها و مفيش خروج !! .. وجاب لنا سماعات في أوضته و كان بيجيبني انا واخواتي البنات في اوضته و يقول لنا يلا نشوف مين احسن واحده فيكم بترقص بعد ما المشرفين تنام " و لما سألت هو بييجي بالليل ليه, قالولي هو بيبات في الدار ثلاثة ايام في الاسبوع !!

الحكايه ابتدت لما تم تحويل ٣ بنات اطفال من ١٣ الي ١٧ سنه زي القمر في عمر الزهور لدار في #بني_سويف من دار في الجيزه .. البنات فجأه لقوا نفسهم في #الساحل_الشمالي في فيلا مع راجل اد جدهم و بيقول لهم يلا اقلعوا اللبس القديم ده و اشتري لكل واحده فيهم هدوم و مايوه بيكيني .. البنات اللي بتلبس حجاب “مش بإنتظام" و كل واحده فيهم حافظه علي الاقل ٣ اجزاء من القرآن و عمرها ما لبست مايوه .. لبسهم بيكيني !!

البنات بتنام في فيلا صاحب الدار في الساحل الشمالي ليه اصلا .. و لو فرضنا, ليه يتواجد معاهم .. يعني ايه بنات ايتام في سن مراهقه تبات في بيت راجل مشافوهوش غير من يومين اصلا .. فين الرقابه بتاعت الوزاره !!

البنات بتقول انه بدأ بحضن كل ما يشوفهم .. و لما سألتهم و ده عادي .. قالولي ما احنا بنقوله يا بابا .. و متخيلناش ان ممكن اب يعمل مع بناته كده !

المهم, رجعوا من الساحل علي الدار في بني سويف .. و من وقت ما وصلوا وهو بيحاول مع واحده واحده فيهم .. بس كل واحده لوحدها .. يحط ايده علي الكتف و منه للرقبه او الشفايف او باقي جسمها لو سكتت .. و اللي تشيل ايده يقلب وشه عليها و يتلكك لها علي اي حاجه و يحبسها في اوضتها بالايام . و لو اتكلمت زياده يقول لها هوديكي علي الاحداث .. و انتي عارفه انا مين و جايبكم منين !

فالبنات تخاف و تسكت ..

بدأ يقول لهم انتم بنات و جسمكم لازم يكون جسم ملكات .. هشترك لكم في الجيم .. البنات فرحت .. صدقت .. و النتيجه انه بقي بيروح لهم بالليل يبات ٣ ايام في الاسبوع و جاب سماعات و بقي يشغل لهم موسيقي و يطلب منهم يرقصوا له و بالمره هيخسوا !

البنات بقت بتخاف تقعد لوحدها .. لانه لما بيلاقي واحده لوحدها لازم يحاول معاها .. لدرجه انه ساعات كان بيطلع يصحي البنات من النوم عشان ينزلوا يقعدوا معاه في اوضته !

البنات قرفت من نفسها و من الحياه القذره دي اللي انبهروا بيها في الاول و تواصلوا مع احد القائمين عليهم و يعرفهم عشان ينقذهم .. و بالفعل مسؤلين من التضامن اخدت البنات بعد ما قعدوا اكثر من شهرين عند القذر ده .. ولكن للاسف دلوقت البنات محبوسين في مكان محدش يعرفه غير الوزاره و ممنوعين من الخروج من المكان ده بقالهم شهرين !١

البنات قالوا شهادتهم دي لموظفين كثير في وزارة التضامن و تم عرضهم علي اخصائيين نفسيين و عندنا التقارير النفسيه اللي بتقول ان البنات تعرضت للتحرش و للاسف مرت شهور و المجرم ولا حد عبره و الاطفال الايتام دي هي اللي بتتعاقب بالحبس بس .. تواصلنا مع اكثر من موظف في الوزاره بشكل ودي نفهم ايه اللي معطلهم لا سمح الله و كلهم قالوا اننا عارفين القصه و مش عارفين نعمل حاجه و قلوبنا بتتقطع !

البنات حلقت شعرها النهارده بالمقص اعتراضا علي اللي حصل لهم و علي اللي لسه بيتعرضوا له .. و لما سألتهم انتم عاوزين ايه ؟

قالولي احنا ايتام اه .. بس احنا اتبهدلنا كثير اوي عشان نحافظ علي نفسنا بنات لحد النهارده .. فمستحيل نسيب حقنا !

البنات دي مش هي اللي المفروض تتحط في مكان مجهول .. مش هي اللي تحلق شعرها و تعيط و تصرخ.

اللي يتحاسب هو مسئولين وزارة التضامن اللي مفروض يقولوا لنا البنات دي راحت للراجل ده ليه .. و كانوا فين من بيات البنات قي بيوت الساحل و القطاميه في بيت راجل .. كنتم فين يا ساده .. و ليه لحد دلوقت مفيش اعلان عن هذه الكارثه للرأي العام عشان يعرفوا حقيقة رجال اعمال قذره !

اما اللي عمل في اطفال كده فوالله حسابه عسير دنيا واخره .. و حق البنات دي مش هنسيبه !

الساده المسئولين, السيد #النائب_العام, وزير العدل, #وزيرة_التضامن .. يا كل اب و ام في هذه المناصب .. بعد الشر علي ولادكم .. لو دي بناتكم كنتم هتستنوا شهرين عشان تجيبوا حقهم !

الكلام المكتوب ده اقل حاجه في شهادات البنات .. و انا قمت بتوثيق هذه الشهادات و صور ضوئيه من التقارير الطبيه لمن يهمه الأمر.

" ملحوظه : البنات مش مجانين ولو اتجننوا هيبقي بفعل فاعل .. من اللي اتعمل فيهم "

مش هنكتب اسم الدار لمدة يومين .. لحد ما نشوف الوزارة هتعمل ايه !

#الأيدي_القذره
#الأيدي_اللي_تتقطع
#متحرش_الأيتام
#أطفال_مفقوده
Nivine Riad El-Kabbag
google-playkhamsatmostaqltradent