الدولة يا تتحرك دلوقتي يا مش هتعرف تسيطر علي الوضع في المستقبل القريب.
الشابو بيعمل اية ؟ بيفجر شرايين المخ ، بيخلي المدمن يرسم سيناريوهات في عقلة مش حقيقية ، بيخلي المدمن يتخيل حاجات مش موجودة ، بيلغي الاحساس بالشفقة والخوف وعواقب اي افعال ، بيخلي المدمن صاحي ممكن اسبوع بدون نوم ، بيخلي المدمن شايف كل الناس خطر ولازم يقضي عليهم.
هذا ماحدث بسبب الشابو
- مجزرة في الفيوم واحد مدمن علي مخدر ال"الشابو" المتهم قتل عمته ونجلتها ومراتة وولادة ال٦
- في مركز جرجا واحد مدمن علي المخدر قتل ٣ شباب بسلاح ناري
- في الأسماعيلية شاب دبح راجل في الشارع وفصل رأسة عن جسمة
- في الأسكندرية شاب دبح سيدة في سوق خضار في عز النهار
في قريه كفر الجنينه نبروه دقهليه
زوج خريج حقوق زبح زوجته
في قريه نشا نبروه دقهليه زوج قتل زوجته ضربا حت الموت وهذا كله تحت تأثير مخدر الشابو او الكرستال او الايس
الناس والدولة مش عارفين خطورة مخدر زي دا في مصر عاملة ازاي ، هل انت هتعرف السواق اللي هتركب معاه تاكسي او ميكروباص او توكتوك مش واخد المخدر وهيقتلك ازاي ؟ هتعرف ان اللي ماشي في الشارع جنبك مش هيدبح ازاي بسبب انة مدمن للشابو ؟ ، الشابو كافي لقتل آلاف الأشخاص في الشارع بنفس الطريقة اللي حصلت في الأسماعيلية.
أي شخص مدمن على المخدر ده يقرأ عليه الفاتحة وحاول تودعه وداع الموت ولازم يكون تحت المراقبة المستمرة لحد ما يموت عشان ميعملش في حد حاجة.
الفترة الأخيرة دخل مصر كمية من المخدر بملايين الجنيهات وبشهادة المتعاطين اللي بطلو ، وفي جروبات علي الفيس ليهم بيحكوا فيها تجاربهم المرعبة مع المخدر
منقول للأهميه ...
