الحكم بالاعدام علي قاتل روان

علشان مش كل روان تتقتل ، لازم كل ابراهيم يتعدم . 

هي روان الحسيني هي لاعبة كرة السرعة بنادي دسوق الرياضي، طالبة في كلية الصيدلة، شاركت عام 2016 في بطولة العالم للأندية لكرة السرعة ببولندا .

و هو إبراهيم إبراهيم معوض، 27 عاما، مسجل خطر شديد الخطورة «مخدرات»، مقيم بدائرة بندر دسوق، ومتهم في نحو 17 قضية جنائية ما بين سرقات وبلطجة . 

.. حاول سرقتها بالإكراه ولما قاومته خلع الحجاب بتاعها وخنقها وقام ضرب راسها في الحيطة اكثر من مرة لحد ما ماتت وسرق منها الموبايل و50 جنيه . 

.. متخيل إنسانة محترمة ومتفوقة ومجتهدة ، أهلها تعبوا عليها ، وياجي واحد قاتل منعدم الإنسانية عتيد الإجرام يقتلها ، شاب مسجل خطر مخدرات وسرقات وبلطجة وعايش وسطنا علشان يقتل بنت بريئة زي روان ، اللي مش قادر استوعبه ازاي واحد مسجل خطر عتيد الإجرام وارتكب 17 جريمة قبل كده عايش معانا مش في السجن ، كان المفترض يرتكب كام جريمة علشان يتحبس ، ويا تري كام واحد عايش وسط الناس وعنده عشرات الجرائم وبيقتلوا ابرياء كل يوم . 

.. علشان مش كل روان تتقتل لازم كل ابراهيم يتعدم .