recent
أخبار ساخنة

ماذا فعلة طلعت مصطفي

اللي عمله طلعت مصطفي في ساعه مع عمرو اديب 

- خلي كلي الشركات قاعده حالا بتعمل خطط " ناس تقول اقتراحات وناس ع نفس الطرابيزة بيقولوا مش دا اللي هياكل معاه الكلام دا " 😆
- معظم المطورين هيختاروا حل " الصبر حلو " وهينتظروا اللي هيتم
- في شركات هتبدأ تفكر في حل أنها تقدم تنازلات في نظم السداد والأسعار وغالبا دول هيبقوا مضغوطين ومطلوب منهم مبالغ في الفتره دي 
- الشركات البروكر الكبيرة هتبدأ تحط خطط مختلفه والشاطر اللي يخرج برا الصندوق والبروكر بتوع السبوبة غالبا هيتصفوا ورا بعض 
- السوق وارد يرجع لفتره ما قبل العاصمة الكلام للكبار فقط 
- المبادرة بتاعة التمويل اللي الدولة طرحتها اول امبارح لازم تتحط في الحسبان 
- توقع تنشيط سوق اكتوبر وزايد والساحل والسخنة الفتره اللي جايه بسبب هروب للشركات البروكر اللي حابه تخرج من الضغط 
🔴 اقتراح للمطورين : يتم عمل صندوق للمطورين العقارين في العاصمة 
الهدف : الترويج للعاصمة بشكل يتناسب مع اللي عمله طلعت مصطفي ويبقي قوي بديلة 
بمعني أن كل مطور هيحط مبلغ في الصندوق دا نقول امثله مليون جنيه مثلا هيشارك فيه 100 مطور يعني في 100 مليون جنيه معاهم 
يبدأوا يختاروا مجموعه كبيرة من المسوقين المحترفين وتبدأ الحملات في اسرع ما يمكن للترويج للعاصمة 
الاعلانات المنفرده والصراع هو اللي خلي المطورين في نقطة ضعف حاليا كله كان بيعلي علي بعضه 
- طلعت مصطفي بداية من وجهة نظري لسه في تاني هيظهر 
لكن #تجمعهم_قوة
google-playkhamsatmostaqltradent