recent
أخبار ساخنة

منظمة الحق الي علي ابن قرية حزام رسالتك وصلت الرئيس

منظمة الحق : لـ على أبن قرية أبو حزام رسالتك وصلت رئيس الجمهورية

قال " نبيل أبوالياسين" رئيس منظمة الدولية لحقوق الإنسان ، في تصريح صحفي منذ قليل للصحف والمواقع الإخبارية ، إنه تواصل معي عدد من شباب قرية أبو حازم مركز نجع حمادي محافظة (قنا) على موقع التواصل الإجتماعي عقب المذبحه التي أفزعت الرأي العام المصري ، وطلبوا مني توصيل صوتهم للسيد رئيس الجمهورية " عبد الفتاح السيسي " 

وأضاف : أن رسالتهم جميعاً بنبيره واحده تحوي في طيها نبيرة تشاؤوم ، نبره حزينه عاتب بعضهم قيادات الدولة وأخرين رئيس الدولة إلا وأن جاءت رسالة على طالب الفرقة  
الثالثة كليه التربية قسم الكيمياء جامعه جنوب الوادي
طلب أيضاً توصيلها" لـ " السيسي الأب لكل شباب الصعيد خاصة ومصر عامه .

وكانت نص الرسالة
المكان : قرية ابو حزام - مركز نجع حمادي - محافظه قنا

انا واحد من القريه دي من غير اي اسف ولا خزي.. 
انا واحد زي شباب كتير طلعنا لاقينا الدم والنار والسلاح جزء من حياتنا ومهما حاولنا او اهلنا اتغربوا عشان يبعدونا عن كل ده لعنتها بتصيبنا.. 

عمرنا م لاقينا حد سمعنا كشباب حابين ننهي ونقضي ع كل ده ديما مهمشين في كل حاجه حتي ابسط حقوقنا وهي الامن والأمان.. 
عايزين حد يسمعنا ولو لمره.. حد يساعدنا نوقف نزيف الدم ده.. 

شباب كتير راح وشباب اكتر هيروح.. اطفال وشيوخ وأهالي شايله اسر.. 
عيال بتتيم وناس عمرها بيروح.. 

بيسيبوا الناس تاكل في بعضها زي الغابه وبعد م. اللي يموت يموت ياجوا يشيلوا اللي مات.. 
وبعدين طيب!!! 

ليه حد عمره يروح لمجرد حد ماسك سلاح رفعه عليه! وياجي اهله ياخدوا بتاره والدايره تلف.. 
والدم مش بيخلص بس احنا بنخلص طيب ومحدش سامعنا.. 

البلد فيها سلاح مع العاقل والمجنون اكتر من اللي في مديرية الامن نفسها... ليه ده يستاب؟؟؟  
الناس دي ضحيه اهمال وتطنيش لكل مسئول.. حسبنا الله وحده.. 

ال 17 دول اقل حادثه بتحصل.. في كام حادثه تاني حصلت وممكن تحصل!!  
اقولك كام حد مات! اقولك. كام حد لسه هيموت !
عايزين حد يسمعنا ويوصل صوتنا احنا تعبنا.. عايشين ف غابه مش في بلد.. 
كلها عائلات وقبائل و مشاحنات بتنتهي بالقتل.. 

لما كنا واحنا صغيرين يتحكيلنا ع الحكايات دي كنا بنقول خيال لحد م. رجع تاني يحصل قدامنا وكلنا دون استثناء شوفنا ناس ماتت وغرقت ف دمها قدام عيونا.. 

اللي بيحصل عندنا شبه اللي بيحصل ف غزه احنا مش بنبالغ ع الاقل هناك كل طرف بيدافع عن عقيدته ودمه وعرضه.. 
وعدوه معروف.. 
احنا لا بنموت في بعض.. ناس دمها واحد وربها واحد ودينها واحد. بتقتل بعض بكل انواع الاسلحه.. 
محدش بيتخانق بايده يا جدعااااان.. 
اتخيلوا الوضع.. 
حد. يبصلنا ويلحق البلد 
المخدرات هلكت عقول الشباب لحد م بقا كل واحد مش. مدرك لافعاله.. 

حتي اللي بيحاول يبقا كويس ويتعلم ويغير لازم تحصله حاجه تخليه يتلط في الدم.. 
بس المرادي غير كل مره.. 
ايه ذنب الاطفال والستات و العواجيز دول!!! 

الناس دي قاتل ومقتول ضحيه لاهمالكم.. 
انا محتاج اتواصل مع حد يوصل صوتنا لازم.. والا هتبقي مجزره بمعني الكلمه ..

محتاج من كل حد يشوف البوست ويهتم .. محتاجين نوصل لاي مسئول يلحق البلد من الدمار.. فضلا وليس امرا بالله عليكم.. 
احنا حاولنا نغير معرفناش لوحدنا محتاجين دعم المسئولين.. 

انقذنا_يا_ريس
قرية ابوحزام بتدمر

ومن جانبه رد " أبوالياسين " على (علي ) مؤكداً ؛ أن صوت علي سيتم توصيله لرئيس وسيلبي طلبتكم ويتم إتخاذ الإجراءات اللازمه بكل حسم حتى تتكرر المذبحة مره أخرى حسبما وصفتها المواقع الإخبارية.
google-playkhamsatmostaqltradent