recent
أخبار ساخنة

حمادة زغلول في افتتاحية "طلقة في القلب"

الشاعر حمادة زغلول في افتتاحية "طلقة في القلب"

كتبت سامية سيد....
ألقى الشاعر حمادة زغلول قصيدته في افتتاحية مسرحية طلقة في القلب.
المسرحية من تأليف وإخراج خالد الحسيني..
فكانت القصيدة مقدمة جيدة لمضمون العرض المسرحي. 

نصيحه لكل متجوز
ومتحير ما بين أمرين
يا اما يهد ويطلق
 او يسكت ويستحمل
ويرضي يعيش ف نار لسنين
ياريت تسمعني ف دقيقتين
(متتسرعش) 
بنيت الزيجه دي ف سنين
وياما عشانها شوفت الويل
بلاش ف ثواني تخلي العش
بلاش تنسب لهم ضعفك
مهو انت مش ملاك معلهش
مشاكلك حلها بعقلك
بلاش تاخد الأمور بالوش
كلام الناس سبب حيرتك
ده ممكن تيجي من اهلك
ويهدموا فيك جميع أملك
وأسهل م الخراب ملقتش
بلاش البعد والفرقا
ولادكم هيدوقوا الغربه 
ويتبهدلوا ف بعادكم
وهتصيبهم نار الطلقه
ف صدقني
بلاش تهدم وروح ابني
واتكلم مع زوجتك
وصفوا نفوسكوا ع الدوغري
واحكي لها اللي بيضايقك
وخليها كمان تحكي
و افتحوا فيها ع البحري
ومتخبوش
واتفقوا علي مبدأ
بأننا من جديد نبدأ
وتسعوا انكم دايما
من بعض متدايقوش
متعملش اللي بيدايق
عشان هي متعملهوش
ولو المود مهوش رايق
علي الوحده ما تتكوش
وحبل الود ده بينكم
ف هي تشد
انت ارخي
وخليها عليك عادي
 ومتشدوش
حياتنا كأنها مركب
وايد وحده مبتجدفش
شمال تمشي يمين تمشي
بغير الوحده ما هتعدلش
ب نص عقل الكامله
وضلع اعوج بيتحني
ف جاري الضلع
ومتكسرش
بلاش العند يا اخونا
ده بيولد فينا الاسوه
وبيخلي نفوسنا تهش
صارحها وخليها تصارحك
وعادي اشركها ف مشاكلك
وعرفها علي دخلك
هتتهني بشوف عزك
ووقت الضيقه ترضي ب مش
بلاش تعاملها سي السيد
وهي امينه ترضي تكش
ده كلمه بسيطه تسعدها
بتنسي لو راضيت ايدها
وتفرحها قولت معلهش
ف انت العقل والحكمه
وهي الراحه والسكنه
ف لم الشمل متفرقش
ساعتها هترجعوا لفتره
خطوبه وحب مبيخلصش
هتلقي الدنيا ليك ضحكت
وجهل الماضي أصبح هش
أمرنا ربنا ان احنا
نعاملهم و بالحسني
وستر لبعض فالدنيا
ف متقلبش
واعمل بالنصيحه جرب
هتدعي لي ده متجرب
لوجه الله وانا مبكذبش
.....
والجدير بالذكر ان زغلول سبق وان افتتح عدة عروض سابقة للمخرج بقصائد تختصر مضمون العروض. 

يذكر ان مسرحية" طلقة في القلب" تناقش أكثر القضايا انتشاراً في المجتمع المصري، فتناقش معاناة الأبناء نتيجة الإنفصال والطلاق بين الوالدين وما يسببه الطلاق من أثار إجتماعية ونفسية سلبية، وتأثيره على المدى الطويل في نفوس الأبناء .
بالإضافة إلى تكوين مفهوم الذات السيئ عندهم، والمفهوم السيئ للوالدين مما يؤدي إلى خلل في نمو الشخصية، وضعف الثقة في النفس وفي الناس.
و يتسبب في تحولهم من افراد صالحين في المجتمع إلي مجرمين وخارجين عن القانون.

المسرحية من تأليف واخراج خالد الحسيني، واداء حسب الأدوار والظهور على المسرح:

قام بدور الأمين مجدي الفنان/حسام البوب، قام بدور الصبي الفنان/ حسين إسماعيل، قام بدور الفريش ابوالعريس الفنان/محمود ميشو، قامت بدور ساره الفنانة /هالة محمد، قام بدور مرسي الفنان /احمد حسين، قام بدور عادل الفنان / احمد الأشول، قامت بدور الخاله الفنانه/ تغريد عزام، قاما بدور يوسف ابن الأخت الطفلين / فياض حسام وعبد الرحمن احمد، قامت بدور بنت مرات الأب الطفلة /جومانه حسين، قامت بدور بنت جوز الأم الطفلة / هنا صبحي، قام بدور عم مريم الفنان / حمدي الخولي، قامت بدور مرات الاب الفنانه / نهي المصري، قام بدور جوز الأم الفنان/ محمود الشرقاوي، قام بدور سمسم الفنان /صبحي ابو بكر، قام بدور حسن الفنان/خالد الجوكر، قام بدور وكيل النيابه الفنان / شريف عادل، قام بدورحسين العريس والمحامي الفنان/ مجدي ميجا
، قام بدور فسكو الفنان / محمود بوجي، قام بدور الظابط الفنان / محمد فتحي، قام بدور الأب الفنان/ عادل الترامسي، قامت بدور الام الفنان/ مروة توفيق، قام بدور حسام الصغير الطفل/ عمرو خالد، قام بدور حسام الكبير الطفل/ يوسف سعيد، مهندس صوت وإضاءة الفنان/ محمود تيتو، ميك اب ارتيست وإدارة كواليس الفنانة / فاطمه خالد 
، قامت بدور مريم ومساعد مخرج الفنانة / ألاء الحسيني.
google-playkhamsatmostaqltradent