الحكم بالاعدام علي قاتل ايمان

إعدام لزوج ايمان وشريكة 

الله هو العدل 

بدأت الحكاية ببنت صغيرة لسة فى الجامعة جالها عريس 

اهلها فرحوا واستعجلو وهى طبعا لا خبرة فى الحياة ولا فكرة عن المستقبل ، كل التفكير فى فستان وفرح 

اتجوزت وبسرعة خلفت ، وجوزها فكر يطلقها علشان واحدة تانيه ، اهله رفضوا لان ايمان مؤدبة ومحترمة وبنت ناس 

جوزها حب يورطها فى فضيحة علشان يورى اهله انها مش كويسة ، بعت حد بيشتغل عنده يمثل انه معاها فى علاقة والبيه يدخل بعد شوية يعمل فيها الزوج المخدوع 

واان ايمان متربيه وبنت ناس قاومت النطع اللى شغال عند النطع جوزها فقتلها 

جوزها قال فى التحقيقات ان اتفقت على اغتصاب بس مش قتل 

القاضى العادل عارف ان الاغتصاب او القتل عقوباتهم الاعدام 

للفاعل والشريك 

يفضل السؤال اللى واجع قلبى 

العدل اتحقق فى المجرمين 

ليه الاهالى بيستعجلو على جواز البنات 

كان ممكن يكون وضع ايمان ايه ومصيرها ايه لو كانت خدت وقتها واتخرجت واشتغلت وفهمت الدنيا وبعدين اتجوزت 

اضعف الايمان كان اختيارها لراجل افضل من المجرم اللى اختارتو 

ادوا بناتكو فرصة يكمل نموهم 

ادوهم فرصة للحياة 

#حكايات_نهاد

#نهاد_ابوالقمصان