recent
أخبار ساخنة

سامية سيد تكتب خلص الكلام

خلص الكلام
بقلم.. سامية سيد
.....
خلص الكلام
من غير مانجرح بعضنا
من غير ملام
خلينا ذكرى تخصنا
دة الحب كان
وردة سلام على أرضنا 
راح اللي كان
في الحب بيتنا وعشنا
وانسى الجراح وانسى العتاب
وانسى الألم وانسى العذاب
غَيَّر هواك... والبس قناع الحب من جديد

مع واحدة تاني تصدقك
راح ترسمك بالحنة ع كفوف القمر
وتدوبك بكلام مقالوش غيرها بشر
روح واترسم
عيش وابتسم
وانسى الليالي والسهر
بيع الهوى.. وانسى العتاب
وانسى اللي راح منا وغاب

عيش الحياة مع واحدة تانية تصدقك
راح تعجبك
وهاتعشقك
اما انا
نسيت خلاص كل اللي بينا وانتهى
ماتت عهودك والوعود
حتى الورود
اللي سقيتها بحبنا
دبلت خلاص
مبقاش في شيء بيخصنا
خلص الكلام
من غير ما نجرح بعضنا
..........
google-playkhamsatmostaqltradent