recent
أخبار ساخنة

سامية سيد بتبعد ليه

الصفحة الرئيسية
كلمات.. سامية سيد
بتبعد ليه ؟!
.
بتنسى والا تتناسى 
وتتحجج بميت حجة
وانا طول عمري لماحة
باكون فهماك
بتحدفنى هناك لبعيد 
وتستنى
فترجع للشبك تانى
تشد الباقى من شوقك 
وتحبسنى فى ضل هواك
وانا عارفاك 
بتعرف  امتى تحتاجنى
 وامتى الحيرة بتسوقك
 لحديا
 فتوصلى
تلم الضحكة من جوفك
 مضوية
نقول لحظة بنحكيها 
تقدم لى من الأعذار 
 فلا تكفى
ولا تشفى الجروح فيا 
لكن بارضى وأقول يمكن
 سحابة غيم معدية
.
باقولك ايه !
انا مليت 
مانيش قاضى
ولا انت للهوى فاضي
تمس القلب وتراضى
وتايهة فى دنية الممكن وبين لأه
خلاص عودنى ع القسوة
وعلمنى الاسى منك
ونسينى اغانى الناي
وشهد الضحكة من سنك
وخلينى اعيش ايام
اراجع فيها احلامنا
وخطوة تهمها ليا
فأحسب لك مدى عشقك 
ياروح الروح ما هو انت خلاص
 بقيت فيا
google-playkhamsatmostaqltradent