recent
أخبار ساخنة

علي الفيل يكتب قصيدة بلدي

الصفحة الرئيسية
قصيدة بلدى ( ديوان تجارة الكلام )
****************
أنا العاشق تراب بلدى
و مش نايم على بطنى
و لا لسانى بيحدف طوب
أنا الخايف على ولدى
و مش مستنى 
تمن ليا بشيك مكتوب
***
أنا الماضى
 أنا الحاضر 
و أنا اللى 
جى من باكر 
قاعد فيها و مستنى 
و عمرى م قلت :
راح أسيبها و لا أهاجر 
***
حقيقى منها أنا زعلان 
و زعلى منها شئ عادى 
لكنى تمللى ف الحسبان
ف أول صف يا أعادى 
***
و يشهدلى تاريخ مكتوب 
على الجدران
أنا المصرى و فيا عيوب
لكنه م خان
أنا الماشى مع الماشيين 
لكنى ميزان 
***
أنا العاقل و كلى جنون 
و أنا الحكمة ف كل الكون 
أنا يا بلادى مهما أكون 
***
و مهما تظلمى فيا 
 فداكى روحى و عنيا 
ف ساعت الشدة 
ما تهونى 
و لو زاد الألم بيا
***
دأنا المكتوب على جبينك
على نيلك 
على قرآن أناجيلك
و مهما تفتحى الزنازين
تناديلى .. أنا جيلك
***
يا بلدى يا مصر 
************
مغنواتى الوطن
الشاعر / على الفيل
google-playkhamsatmostaqltradent