منار مغاوري تكتب عن اطفال الشوارع والتحرش

أطفال الشوارع والتحرش 

طبعًا من الواقعة الأخيرة والي اتضح فيها إن البنت بائعة مناديل يعني هي طول الوقت في الشارع ، جا في بالنا إن ( طب إيه موقف الاطفال الي في الشارع من دا ؟) 

كتير أطفال في الشوارع بيعانوا من المواضيع دي ومش بس مواضيع التحرش ، الموضوع بيبدأ بتنمر وسخرية بعد كدا ممكن يبدأ بعنف لفظي أو جسدي وممكن ينتهي في الآخر لتحرش 

الاطفال الي في الشارع ملهمش أي حول ولا قوة إنهم يواجهوا حاجة زي دي ، هم ميعرفوش دا إيه الي بيحصل أصلًا وبالتالي مبيعرفوش ازاي يدافعوا عن نفسهم 

في نفس الوقت ، فيه أطفال شوارع هم الي بيتحرشوا بالناس إذا مشتروش منهم أو ملبّوش طلبهم وبيضربوهم ويحاصروهم 

ظاهرة التحرش وأطفال الشوارع ظاهرة منتشرة وشائعة جدًا وبتحصل قدامنا أو لناس كتير جدًا ، ياريت نحطها في عين الاعتبار 

ايه ممكن يكون الحل ؟ الحل ممكن يكون إن كل حي أو شارع فيه أطفال شوارع يجمعوهم في يوم ويعلموهم إزاي يدافعوا عن نفسهم وعن جسمهم ، ازاي يقولو لا لحد قالهم تعالي هنا مثلا أو خدي هديكي فلوس أو حاجة ( تثقيفهم شيء مهم) حتى لو هم مش في بالهم الموضوع، بس مع التجارب الي هتحصلهم هيحسّوا إن الحاجة دي مهمة ، هيحسّوا إنهم لازم يصرخوا ويتكلموا ويفضحوا المتحرش، زي 

ما البنت الجميلة عملت من يومين ♥️

تعديل: أطفال الشوارع مش كلهم معندهمش بيوت أو مكان يأويهم ، فيه أطفال بتنزل الشارع عشان تشتغل وترجع لبيوتها تاني، وعموما المقصد التوعية بجريمة التحرش، لو فيه حاجة تانية نقدر نقدمها لهم كأن الشخص يرشده لمؤسسه تحويه مفيش مشكلة بس أغلبهم بيبقى عندهم بيوتي يقعدوا فيها☺️