#إنقذوا_مدينة_المنصورة
فى سرية تامة بدأ محافظ الدقهلية خطة لتدمير شارع المشاية بالمنصورة حيث قرر انشاء 50 محل 3 أدوار بطول سور حديقة شجرة الدر مساحة كل محل 3 متر واجهه و عمق داخل الحديقة 5 متر وخصص الدورين الثانى والثالث كافيهات وهذا طبعا بحجة زيادة موارد المحافظة حتى ولو على حساب المدينة اللى اتخربت فى عهده ...
** الغريب فى الأمر السرعة اللى المحافظ بينجز بها المشروع الخراب ده حيث أرسل مهندسة من الإسكان تدعى نهاد يوم الأربعاء وقعدت فى حى غرب أكثر من 7 ساعات لإستخراج الرخصة بإسم مديرية الإسكان وتم اسنادها للمقاول اللى شغال فى الموتيل ومش عارفين تم إسنادها له إزى وتحت أى بند وبأى قانون ويوم الخميس المقاول ده إستلم الحديقة وهدم السور وبدأ يشتغل ...
** طبعا محدش من النواب هيتدخل ولا هيعترض لأن الفكرة دى هتطبق فى نادى الجزيرة ونادى الحوار كمان ويتحول شارع المشاية لشارع عبد العزيز ويتخنق من الزحمة أكثر مما هو مخنوق أصلا ...
** رجاءا من الأجهزة الرقابية فى الدولة انقاذ مدينة المنصورة قبل فوات الأوان خاصة وإن المحافظ سبق وعرض المشروع ده بداية عهده بالمحافظة وتم رفضه أمنيا ومروريا ومع ذلك ينفذه حاليا متحديا شعب الدقهلية كله لأن حديقة شجرة الدر هى المتنفس الوحيد لفقراء المحافظة على النيل والذين لايملكون عضوية بنوادى الحوار والجزيرة ..
AbdelFattah Elsisi - عبد الفتاح السيسي
رئاسة مجلس الوزراء المصري
الصفحة الرسمية للجهاز المركزى للمحاسبات
هيئة الرقابة الإدارية
#وزارة_التنمية_المحلية
#الرقابة_الإدارية