أخر الاخبار

الأسطورة الدكتور محمد غنيم

يحدث........

#دمحمدغنيم_الانسان_الطبيب

1. اللي في الصورة ده، أغني وأسعد واحد في مصر؟! كان ممكن بعلمه وعطاؤه وقدراته الجبارة يكون أغنى أغنياء مصر "بحسبة الفلوس والقصور"! لكن وجوده في أي مكان ووهجه، يخفي خلفه كل أشباه قارون وهامان...نعم.

2. إللي في الصورة ده رائد زراعة الكلي، مش في مصر، بل في العالم بأثره...أيوه في العالم. مافي مرجع على الكوكب إلا وأشار لاسمه وأبحاثه الفريدة.

3.اللي في الصورة ده سايق سيارته  بنفسه، وفضل إنه ما يفتحش عيادة، ولا يركب أغلى عربية في مصر، ولا يلبس أغلى لبس زي محدثي النعمة اللي ملوا البلد وعفشوها، من عينة نمبروان وسواقط المجتمع، لأنه "كعالم بحق" عارف إن قيمة الإنسان ليست بما يرتديه أو بما يركبه ولكن "في عطاؤه ونبل رسالته"...نعم.

4.اللي في الصورة ده رغم شدته وشراسته وقوته في الحق، إلا إنه إنسان نظيف وطيب، فرفوش وصاحب فكر وراى وحش كاسر وهو بيتعامل مع مرؤسيه ومنتهى الضعف مع اى مريض . فكما ترى القطة (حيوان) واقفة بأمان تام وبصبر أيوب (شكلها متعودة)، تنتظره حتى ينهي مكالمته، وكأنها صديقة تنتظر صديقها، أو حبيبة تنتظر في شوق حبيبها وسندها. حتى القطة اللي بتنتظره، شبهنا، من القطط المصرية إللي ماليه شوارعنا، مش مستوردة يعني!

5. اللي في الصورة ده هو د. محمد غنيم، أسطورة بجد، أفنى عمره في مصر، لم يسافر في إعارة، ولم يَهِج على أوروبا رغم الصعاب هنا، والمغريات لأمثاله هناك، ولم يسعى ليتقلد منصبا فانيا، بل عاش راهبا وخادما للفقراء، فأنشأ (بالمنصورة بمصر) وأدار أول وأفضل مركز طبي لعلاج مرضى الكلى (مركز غنيم ) في "الشرق بأثره"...وخرج وتربى على يديه المئات من نوابغ الكلى في عالمنا العربي.

دي النماذج إللى أولادنا محتاجة تعرفها، وتفخر بيها وتتعلم منها وتقتدي بيها...باختصار دي مصر إللي نعرفها واللي بنحلم بيها...غير كده ما نعرفش...جفت الأقلام وطويت الصحف.
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -