بوابة المدار وطفل السلطة

طفل السلطه 
هو حال المجتمع مع التعامل فى اى قضيه مهمه ..
واهمية هذا الحدث تأتى من ان هذا الطفل لو لم يكن ابن قاضى ما ضاق المجتمع بفعلته .
هذا الطفل يحس بانه فوق القانون وهذا طبيعى لنشأته فى بيت قاضى .
ولكن القانون هنا يتعامل بمعيارين فلو كان هذا الطفل ابن مواطن ( عادي) اللى اتنزعت منه كل صلاحياته واصبح اسمه( انته ياله ) كان الواد ده اتشنبرواتنفخ من امين الشرطه وابوه جه خاد علقة موت والعربيه اتاخدت منهم ولو ليه اخ هيشيل قضية ..!! والعيله كلها كانت اتحطمت ..
الفرق هنا فرق مواطن غبى اعطى سلطته لمن يتحكم به ..فالسلطه القضائيه تحمى نفسها جيدا من باقى السلطات ولا رقيب عليها الا نفسها ..
والسلطه التنفيذيه تحمى نغسها كذلك من باقى السلطات ولا رقيب عليها ولكن المواطن اصبح منزوع الحمايه والسلطه فقد عراه القانون وجعله اتفه مخلوق على الارض وان كلب بنت الباشا اهم منه ومن اهله .. المواطن الغبى اللى اتنازل عن حقوقه لعضو مجلس نواب لواء او ضابط يستاهل انه يشوف الاخبار دى ويهتم بيها لانه اتفه من انه يخوض معركه زى دى ..دى معركة الكبار مع بعضهم ..يتدخل فيها النائب العام بنفسه ويتحدث فيها رئيس نادى القضاه بشخصه ..ولو طولت الريس هيتدخل بنفسه فى الموضوع لان ده خلاف بين طفل السلطه المسنود اللى عارف انه مبيتسجنش وبين السجان نفسه .. فلازم الامور تدار بهكذا وضع ..وخليك انت ايها المتنازل عن حقوقك استجدى عطف الباشوات لكى تتمكن ان تعيش جنب جدار ايل للسقوط .
بالمناسبه الطفل افرجت عنه النيابه وتم تسليمه لاهله بعد اخذ تعهد عليهم ..وتغريم مالك السياره 10 الاف جنيه .. 
وده فيديو لابن القاضي بعد اخلاء سبيله ..
بيحتفل هو وزمايله ..وبيقولوا له كفارة يا حروقه ..اسم الشهرة كده   ..الفيديو مليان شتايم ..وده انضف جزء منه هو ال ٥٨ ثانية ..لكن باقي الفيديو يادوب يقولوه الجماعة اللي بيتقبض عليهم بمعرفة مباحث الاداب ..
ومرفق اول تصريح من الاسرة عن ابنهم .

https://www.elwatannews.com/news/details/5017808

" https://www.elwatannews.com/news/details/5017724

تعليقات

المشاركات الشائعة من هذه المدونة

الغاء العمل بالقانون ١٤٨ والعودة للقانون القديم

عاجل رابط نتيجة الثانوية العامة واخر الاخبار

توظيف الأموال فخ للنصب والاحتيال علي البسطاء بزفتي