recent
أخبار ساخنة

الامل - نغم الجلب



لكل تعبان اليوم .. هي الرسالة إلك ❤

الجو العام وكلشي حولنا هالأيام .. عم يخلينا نصير ناس متعبين ومرهقين وفاقدين #للأمل

شي طبيعي اتأثر بالمحيط العام .. طبيعي أشعر أنو أي حدث عم يصير عم يمتص طاقتي ويدخلني بدوامة حزن
هي المشاعر #البشرية لا يمكن السيطرة عليها
وبالعكس من فوائدها إنها بتذكرنا إننا بشر ومشاعرنا الإنسانية موجودة رغم كلشي لا إنساني عم نشوفو ..

لكن هل صحيح إني خليها تسيطر عليي وتسحبني لحفرة اليأس ؟!
الجواب طبعاً #لأ .. لأ ألف مرة !

البشرية لحتى تطورت ونهضت ، تجاوزت العديد من الكوراث والأحداث يلي كانت مدمرة بكل ما تعنيه الكلمة
لكن #صراع الإنسان للبقاء و رغبته بالحياة دائماً هي الأقوى ، هي الدافع للنهوض ..

نحنا #بالفطرة .. ما منقدر نتخلى عن الأمل والحياة
منبقى عم نحارب ونحارب مهما ضعفنا .. لآخر نفس بدنا نحقق أحلامنا وبدنا نوصل وبدنا نعيش !

حزين ومكتئب وحاسس الدنيا وقفت ؟!
قوم وقف .. قوم وقف هلا قدام المراية وقول أنا أنسان .. أنا محارب وأنا أقوى ..

المراية بعيدة ؟ نحنا مرايتك !
أنت محارب .. أنت أقوى .. أنت قادر

هي الأيام الصعبة مارح تمرق إلا إذا أنت قررت تمشي بعيد عنها ..
الأيام الحلوة جاي .. لأنو نحنا منستاهل نعيشها ورح نمشي لعندها !

نحنا أبناء الحياة ، هي الحياة إلنا
#تمسكوا فيها ولو كان في ألف إيد عم تدفشكن

هي الحياة ملكك ، لونها بألوانك واصنعها واعجنها بطريقتك
عيشها متل ما أنت بدك !
عيشها بسعادة وحب وطاقة ..

اليوم وكل اليوم .. هي الحياة ملكنا نحنا
عيشوها .. عيشوها على قد ما بتقدروا

على قدر قوتكم وضحكتكم تتسع الأرض ❤
google-playkhamsatmostaqltradent