سامية سيد تكتب انسان جبان

إنسان جبان

.......

ودفنت نفسك يا جدع

وسط التيران

لا فيها حد بيتسمع

ولا خير يبان

خليك كدة عامل عبيط

عامل ودان

من طين خرع

خليك كدة ف نفس المكان

لا يجي يوم تتهز فيه

 ولا يوم تبان

..

يابن الحلال

الدنيا بقت مفرمة

فيها الحيتان

يا تعيش حياة متسلطنة

يا تعيش جبان

انسى المبادئ والقيم

انسى الزمان

وادخل فى أحضان الليالي

اسكر  نفاق

اعشق فراق

أرفض حياة المسكنة

وسيب اللي فاق

اوعاك تحس انك ضعيف

عيش زيهم

واركن مبادئك كلها

جنب الحيطان

وعشان تبان...! 

اكدب كمان

صاحب اللي خان

سيب اللي صان

يمكن تنول كل الرضا

وهايجي يوم تظهر تبان

.............تبقى انت خان

او جاى ومان

.....😏😏