"شراء الأصوات "
كتب/سلمي محمودحسن
بمناسبة موسم الإنتخابات والمواقف الهزلية:
واحد من المرشحين بياخد جوله فى دايرته الإنتخابية و هو ماشى لقى شيخ كبير فى السن و باين إنه غلبان و مسكين فالمرشح قاله سلام عليكم و ابتسمله و سأله أنت مسجل فى قوايم_الانتخابات قاله ايوه مسجل أنا و مراتى و عيالى فالمرشح إبتسم و زأطط كدا و مد ايده فى جيبه و قام مطلع ميتين جنيه و اداهم للراجل و قاله أنا محتاج صوتك أنت و العيله فى الإنتخابات فالشيخ مسك الورقه ام ميتين و بصلها كدا و قاله يا بنى أنا مش عاوز فلوس خد الفلوس و أعمل فيا معروف روح اشتريلى حمار يساعدنى فى شغلى بالميتين جنيه دول فالمرشح فعلا أخد الفلوس و نزل على سوق الحمير بس ملقاش ولا حمار بالسعر ده فرجع للشيخ تانى و قاله معرفتش اجيبلك الحمار لان سعره اكتر من الميتين جنيه بكتير و انا مقدرش ادفعلك اكتر من المبلغ ده
فضحك العجوز و قاله معرفتش تشترى الحمار بميتين جنيه و عاوز تشترينى أنا بيها انت فاكرنى ارخص من الحمار
إياك أن تكون أرخص من الحمار