غادة رجب والقصة الكاملة لسيدة الاعتداء علي ضابط

■القصة كاملة بتفاصيلها هنا وبس👇👇🤗👇👇
 ===================================

السيدة الغير محترمة دي رئيس نيابة سابق والظابط ده ظابط ترحيلات شافها ماسكة الموبايل وبتصور المحكمة من جوة فاعترض وطالبها بوقف التصوير وكمان تلبس كمامة فردت عليه بوقاحة ورفضت طلب كارنيه أو إثبات شخصية لأن طبعا اللي بتعمله ممنوع رفضت وزادت في وقاحتها ومش عارف بتكلم مين فالظابط صمم أكتر وهي ترفض تظهر أي إثبات شخصية فهددها إنها هتتكلبش وقتى وتترمي في الحبس فشتمته وادعت إنها مستشارة في الأمم المتحدة وفضلت تصور قام شكرها على قلة أدبها وخطف منها الموبايل وحرزه وده حقه قامت اعتدت عليه وقطعت كتافات الرتب للبدلة الميري كل ده على باب رئيس النيابة فالظابط فتح الباب فاستغاثت هي برئيس النيابة عايزة الموبايل بتاعها ولا كأنها عملت حاجة بعدها اتقبض عليها من حرس المحكمة وحصل تحقيق معاها أدانها وتم تفريغ كل الفيديوهات اللي اتصورت للواقعة وتفريغ كاميرا موبايلها قبل تسليمه ليها وصدر قرار بإخلاء سبيلها بكفالة ٢٠٠٠ج وده معناه قضية ويتحددلها جلسة للمحاكمة فالهانم رفضت تدفع قام صدر قرار بحبسها لعدم الدفع فاضطرت النيابة الإدارية تبعت ٢ موظفين يدفعولها الكفالة وأقرت قانونية التعامل معاها باعتبار الواقعة تلبس ..  وفى انتظار تحديد جلسة محكمة بعد الرجوع للنيابة الإدارية.

مصدر من النيابة الإدارية أكد إنها اتنقلت من عملها لقسم المتابعة  لأنها مريضة بمرض مزمن يمنعها من مباشرة التحقيقات. 

من ناحية تانية نفى مكتب الأمم المتحدة انتساب السيدة ليهم واستنكر الواقعة بشدة وأكد إنها حتى ولو عملت في أي مشروع تابع للأمم المتحدة فتصرفها خارق لقوانين ومواثيق الأمم المتحدة اللى على رأسهم احترام قوانين الدولة المتواجد على أرضها وبناء عليه قرر المكتب عمل تحقيق حول ادعاء السيدة وسيصدر مكتب الأمم المتحدة بيان رسمي كامل وتفصيلي حول الواقعة وادعاء السيدة.

السؤال الشاغل دلوقتى .. هل الاعتداء على ضابط شرطة أثناء تأدية وظيفته وجوة المحكمة وتمزيق جزء من البدلة الميري يتناسب معاه اخلاء سبيل بكفالة وآلا كان فيه اعتبار لمنصبها السابق؟!🤔

وفي نفس السؤال مرتبط بنفس ال "هل" لو كان الاعتداء من شخص عادي لا يحمل صفة قانونية سابقة كان القرار نفس إخلاء السبيل وآلا ٤ أيام على ذمة التحقيق؟!🙄

السؤال اللولبي .. هل السيدة فعلا مضطربة نفسيا زي ما لاحظ شهود الواقعة في تصرفاتها بشكل هيستيري مبالغ فيه؟ وإيه سبب خروجها من منصبها كرئيس نيابة إدارية وحصولها على لقب "سابق" .. هل فعلا للإصابة بمرض مزمن؟🤔

●بالنسبة لملاحظة فرق صورة الكارنيه بالحجاب ٢٠١٩ وهيئتها الحالية من غيره مالناش دعوة ولا لينا دعوة بملامحها المتحفزة🤫

تعليقات

المشاركات الشائعة من هذه المدونة

الغاء العمل بالقانون ١٤٨ والعودة للقانون القديم

عاجل رابط نتيجة الثانوية العامة واخر الاخبار

توظيف الأموال فخ للنصب والاحتيال علي البسطاء بزفتي