النهارده هعمل حديث صحفي مع عضو في الجسم عضو من اكبر
الاعضاء حجما وتأثيرا لانه معروف عنه حتي الآن بيقوم ب 500 وظيفه
في الجسم معروفين حتي الان بدون ما يعاير اعضاء الجسم لانه ملتزم
بنصوص الدستور اللي وضعه الخالق عز وجل ...
النهارده حواري مع الكيميائي العظيم
الكبد
واحد من اهم الاعضاء المهمه واللي بتقوم بأدوار جباره وتتحكم في العديد من
التفاعلات الكيميائية عن طريق الالاف القرارات اللي بيصدرها هذا الكيميائي
العظيم بيصنع لكل خليه في الجسم غذائها المطلوب ويتخلص هو من السموم
ويرسلها الي حبيبه عضو الكلي ليتخلص منها خارج الجسم .مهما نتكلم عنه
لن نوفيه حقه ...
النهارده قلت اعمل حديث صحفي اسأله عدة اسأله :
السؤال الاول
ماهي الامراض اللي بتصيبك ايها الكبد العظيم ؟؟؟؟
شوف ي خالد امراض الكبد هتخصرهم ليك في مرضين
الاول اسمه تليف الكبد والثاني سرطان الكبد
&&معالي الوزير مين اللي بيسبب لك هذه الامراض ...
اللي بيدمرني وبيتعب جيشنا الوطن هيا الفيروسات خاصة. فيروس
سي بيقعد ي خالد كامن وساكن فيا ابن الجزمه ده عجبه اوي انا ما
علينا بيقعد عامل زي الميت طبعا اجهزة الاستخبارات في الجسم
واجهزة الردار اللي في الجيش مش بترصد حاجه غريبه
ويقعد لحد ما يلاقي الفرصه المناسبه له فيهاجمني وجيشك المناعي واحنا بنقاوم وانتم مش مهتمين بصحتكم
تأكلوني. اكل ملوث وميه مش مفلتره وشغالين في ادوية المسكنات
عمال علي بطال. فابالتالي هو بينتصر في المعركه وتشعروا بخلل في الجسم كله..
والفيروس بيسبب تليف الكبد وسرطان الكبد ...
كمان شرب الخمره ضاره ي خالد عليا ممكن تسبب لي سرطان ..
والبلهارسيا والتعرض للاشعاع كتير يسببو تليف وسرطانات للكبد .
وهقولك علي حاجه غريبه ي خالد
الجيش الوطني انا بساعده وبقويه لانه هو السند الحقيقي لنا. للاسف
بعض قواته بتهاجمني بتفتكرني جسم غريب وعدو
وبتسبب حاله اسمها تشمع الكبد ده مرض من امراض المناعه الذاتيه انا
بيتعمل فيا انقلاب وزي اي انقلاب غاشم ممكن اصاب بالسرطان
بس الانقلاب ده بدون علم القياده وعلم رئيس الجمهوريه ومش
عارفين السبب الحقيقي للانقلاب ده ضدي انا.
سؤالي الاخير ازاي نحافظ عليك ايه الكبد العظيم.
انكم تهتمو بنظافة اكلكم وانكم تشربو ميه نقيه وتهتمو بمضادات
الاكسده اللي دايما بتذكرها في منشوراتك وكمان الاوميجا3
وي سلام علي التوت والخرشوف انا بحبهم اووو ي. هو والخضروات
الورقيه وخاصة السريس...
في الاخر نشكرك علي حسن تعاونك معنا..
مراسلكم خالد المصري ...