recent
أخبار ساخنة

سامية سيد تكتب لو عارف

(ولو عارف)

ولو عارف ؟!
ساعات باشتاق تغنى لى
وتحكى لى حكاوى الليل
ساعات باشتاق تواسينى
وتدينى امل ودليل
 اكون موشومة من رسمك
اكون عايشة مابين نفسك 
فادخل فيك ومااخرجشى 
واسمع حتى صوت همسك

اعيش جواك كما نبضة
 بتحى القلب فيكمل
واعيشها كل لحظة حياة
واقولك عيدها م الاول

لانى بجد ما اقدرشى
اكون شايفاك 
فى ضلة شجرة 
بتضلل عليك غيرى 
انا نفسى اشيل همك 
واكون ضلك 
واروى من عسل نيلى
وشمسة بتوهبك حلمك .
فيتفسر بميت فكرة
 ساعات باتمنى اكون ماضى 
 واكون ذكرى
ويفضل اسمى فى لسانك 
يشد الدمع من عينك 
ولا.. أفضلشى  على كلمة
 تراضى القلب تحيينى
 وتوهبنى بالف حياة
Samia Sayed..
google-playkhamsatmostaqltradent