أخر الاخبار

اقوي قصيدة عن حملة الازلات وقانون التصالحات

جاي فجأة تهد بيتي
جاي تقولي ادفع غرامة؟
جاي تقولي البس قضية
وانطرد من غير كرامة؟
كنت فين طول السنين دي
والبيوت بتزيد وتطلع
والمباني فكل حتة
والمدن عمالة توسع
لما رحنا الحي نسأل
قلنا قال عاوزين نرخّص
قال مافيش تراخيص يا باشا
وبالسلامة عشان نلخّص
ولا اقولك إبني عادي
بس انا هعمل ماشفتش
والمقابل انت عارفه
ادفع المعلوم وبقشش
واللي باني على الزراعة
واللي باني فأرض دولة
عيش حياتك كله ماشي
إبني بيع وأنهي المقاولة
عدت الأيام علينا
دنيا ماشية وكله ساكت
ناس تشطب بيت وتسكن
والسنين مرت وفاتت
كل واحد حط ماله
باني بيت أو شاري شقة
يعني كل شقانا فيها
مال تعب وفلوس مشقة
وفجأة نلقى قرار وصادر
اننا واقعين في ورطة
جم قالولنا ليه تخالفوا
القانون أركانه واضحة
ادفعوا فلوس المصالحة
أو هننزل بالإزالة  ـــــ  جهزوا الآلاف وإلا
راحوا تشوفوا كتير رزالة   ــــ طب قولونا نجيب منين
واحنا اصلا رحنا ليكم    ـــــ  كنّا عاوزين بيت مرخص
وانتوا قلتوا ده بعينيكم     ــــ  مين يقول الوقت ينفع
اننا ندفع غرايم       ــــــ   مين معاه يسدد ويدفع
مالكورونا الشعب نايم      ــــ  إسمعوا صوتنا وشكوى
إحنا مش عايشين عوالة     ــــ  خفوا أسعار المصالحة
ووقفوا سيل الإزالة        ــــ   واللي ساكن جوا بيته
سيبه ساكن وفأمان       ــــ   قننوا وضعه برحمة
لا بمذلة ولا بهوان     ــــ  افتحوا باب المباني
والسليم ساعدوه يرخّص    ـــ والغرامة تكون بسيطة
دي الرسالة وده الملخص    ــــ   قبل ما تحاسبوا اللي خالف
تاني مرة بعيد كلامي     ــــ  فتشوا الأحياء كويس
تعرفوا مين الحرامي عرض أقل
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -