recent
أخبار ساخنة

رسالة الي السيسي لقانون التصالح

رسالة الى السيد رئيس الجمهورية
********************************
بالنسبة لقانون التصالحات فى مخالفات البناء
اولا : اللي بيحصل ده غير قانوني ولا دستوري أن تحاسب الناس بأثر رجعي علي قانون تطبقه بأثر فوري
 .
ثانيا : أن يتقبض علي مقاولين ياما ساعدوا ناس ووقفوا مع ناس ومش هتكلم عن الطريقه اللي اتمسكوا بيها من غير قضيه ومن غير إذن نيابه ويترحلوا ع النيابه العسكريه  ويتحكم عليهم بملايين كفاله ويقرفوهم لحد ما يدفعوا
.
ثالثا : يوم ما تفكر تدفع الكفاله دى عشان تترحم من قلة القيمه اللي بتشوفها كل يوم تلاقي الايصال اللي انت دافع بيه مكتوب فيه تبرع لصندوق تحيا مصر عشان لا تعرف تسترده بعد كده ولا تطلب أنه يتخصم من مبلغ التصالح
.
رابعا : لما ست غلبانه عندها ٦٠ سنه تدخل النيابه العسكريه والكلبشات في ايديها عشان كل تهمتها انها وسعت غرفتين في بيتها عشان ولادها كبروا
.
خامسا : لما صنايعي غلبان نجار باب وشباك يتاخد من شقه بيركب فيها شبابيك علشان بيجرى على اكل عيشه ، ويروح النيابه العسكريه ويطلع بغرامه ٤٠٠٠ جنيه
.
سادسا : لما شاب بيشطب في شقته بقاله 5 سنين وهاري نفسه جمعيات وديون وفي الاخر ييجوا الازاله يضيعوا شقه عمره امام عينيه
.
هل ده عدل هل ده قانوني هل ده دستوري
.
احنا مش طالبين غير القصاص العادل انت قررت توقف التراخيص والبناء من النهارده يبقى تحاسب من النهارده واللي يبني ويخالف أن شا الله تعدموه لكن ما تحاسبش علي اللي فات لأنه تم بمعرفة حكومتك ومسؤلى المحليات
.
خد حقك من غير ما تيجي علينا .. الناس اختارتك ووقفت جنبك عشان كلمه واحده انت قولتها ( هذا الشعب  لم يجد من يحنو عليه ) فبلاش يكون ده رد الجميل
.
 احنا معترفين أن البلد فيها فساد بس مش احنا المسئولين عن الفساد ده كله
وانت قررت تحارب الفساد والعشوائيات فياريت ميبقاش المواطن الغلبان لوحده هو اللى بيدفع الثمن
.
ياريت تراجع قراراتك ويكون فيها رحمة شويه كفايه عليهم غلاء الأسعار والكهرباء وغيرها .. كفايه بقى عشان الناس مش مستحمله
google-playkhamsatmostaqltradent