معلومات اوليه محيره اللي اتكشفت عن شمس الدين جبار الارهابي الاسلامي اللي ارتكب حادثة الدهس في نيو اورليانز الولايه الامريكيه واتسبب في قتل 15 ضحيه من السكان المحليين.
امريكي مولود في امريكا وبيكسب 120 الف دولار في السنه وفي نفس الوقت مديون. من قدامى المحاربين في الجيش الامريكي وخدم في افغانستان سنة 2010 وحصل على اوسمة شرف وميدالية الحرب العالميه ضد الارهاب ومع ذلك عثر على علم داعش مع عبوات ناسفه في سيارته بعد ارتكابه للدهس الوحشي. تكفيري وعنده سجل تصويت نشط في الانتخابات الامريكيه. تخلى عن الاسلام في شبابه لكنه جدد اعتناقه للاسلام مؤخرا وبدا في اعتناق افكار الاسلام السياسي من سنة 2017. خطط لاغتيال طليقته وولاده لكنه غير خططه في اخر لحظه عشان يلفت انتباه وسايل الاعلام لانه جزء من حرب الايمان ضد الكفر..!!
هل دا ممكن يعزز فرضية الارهاب بوصفه اضطراب ذهني او مرض عصابي اكتر من كونه انحراف فكري وتطرف ديني؟ ولا ممكن يعزز فرضية تدخل العوامل النفسيه والاجتماعيه والاقتصاديه والاسريه في صياغة شخصية الارهابي؟ ولا تعميم استخلاصات من دراسة حالة ارهابي واحد على مجمل الظاهره الارهابيه خطأ؟ ولا ممكن تنكشف معلومات جديده تغير اتجاه التفكير في الموضوع؟
